Version en Quechua

Ñawpashi kay arañaka shuk shipas warmi kapayarka. Chayshi karka shuk wisaru warmi, tukuy warmikunamanta ashwan. Payshi puchkapayarka tuta paka-rikta, manashi puñushpachu pakaripayarka puchkananranti. Pakaripayarkashi raku siksiwa. Kayantimañashi chay siksinta apishpan awapayarka pritinakunata tukuy chumpikunatapas.

Chasna unayta kawsashpanshi warmi masinkunaka tukuy payta chik-nirkakuna mana paywa parihu puchkak kashpankuna. Payka manashi pirura-wachu puchkapayan. Pupunmantashi makinpi utkuta kanichishpan —Sir, sir, sir —aysapayarka. Chasnallashi utkalla puchkapayarka. Manashi punchaka puchkapayanchu, mana warmi masinku¬naka rikunankunapa puchkahushkanta.

Version en Quechua

Urminkashi kapayarka shuk runa sinchita tarawak. Warmíyarkashi shuk mashintu payapa wawanta. Chay payaka ishkay wawayushi karka. Shuktashi illa-wankaka apirka. Illawankaka karkashi shuk runa mana yachak tarawanata.
Shuk punchashi urminkaka rimarka: —Aku, chakrata rurashu —nirkashi illawankata, —Ariya, chaytami ñukapas yuyarihuni —nishpashi aynirka illawankaka. Kwintashkankuna kayantimashi illawankaka amsara atarirka amulananpa saplinta. Chaypishi warmin chaymanta maman paya atarirka upyachinapa masatuta mashanta.
Urminka mashanka manashi amsara ataripayarkachu. Punchapishi ataripa-yarka. Chayraykushi warminpa mamanka yapa piñaripayarka. Urminka mashan-taka manashi karapayarkachu nima upyachipayarkachu. Piñarishpan payta mana tutara atarinanmanta. Illawanka mashanka rimarkashi: —Ñami chakranchitaka rupachishkani ñukaka. Tarpuk rinkichi —nirkashi illawankaka warminta. Chay¬pishi warminpa mamanka aparka tukuy munashkanta tarpunanpa. Rikushpaka

Version Quechua

Ñawpa timpupi kay mutilu runa kashpan, chakranta rurashka atunta. Shuk kashka kunikitu shutiyu. Kashka shuwaysiki. Tukuyta shuwapayashka chakra-manta santillankunata.

Chaypi mutiluka rimarka: —Ñukaka rurashara shuk runata punkaramanta kay kunikiturayku —nishpa rimarka mutilu. Rurarka punkaramanta runata, sakirka chakranpi. Churarka asihuktashina.

Chaypi kunikituka llukshishpa rikurka runata. Chaypi saludarka: —Buenos días, tiyu. Mana aynirkachu chay runaka, asishpa rikurayarka. Chaypiña rimarka kunikituka: —Buenos días, tiyu. ¿Imaraykuta mana ayniwankichu? Kunalla sakmayki —nishpa rimarka.

Chaypi sakmarka makinka apirirka chaypi. Kuti shuk rnakinwa waktarka, apirirka. Patiyarka, chaypi apirirka. Patiyashka shuk chakinwa, llampu chakinka apirirka. Chaymantaña kiparishka, chaypi warkurishpa chay runapi.

Versión Quechua

Shuk punchashi suruka kasashpa katihurka kunikituta. Kay kunikituka kall-pahushpanshi pusutaka pasakta saltarka. Suruka kunkayllashi kasashpa katihurka kunikituta, pusuta rikushpanshi paypas pasakta saltanayarka chay pusuta. Manashi atiparkachu pasanata saltashpan. Chayrayku —puk —rirka pishirishpan chawpi pusullapi urmarka.

Pusu ukullapiñashi waytarayarka mana atipashpan sikanata. Chasna wayta-rayahushkanpishi kunkaymanta uyan marikunka rimahushkanta: —¿Señora Suru, imatata kaypi rurahunki? —¿Manachu atipanki llukshinata kay pusumanta? —¿Mishkichu yakuka waytanapa, rupachu, yapa suma waytanachu, imashna-taya? Chaypishi suruka aynirka: —Ari, yapa sumami kay yakuka. Chayrayku mana munaníchu llukshinata kayfnanta.

Versión Quechua

Kuti kwintanayani shuk karachupamanta pumawa purishkakuna piwanuwa. Karachupa tiyashka shuk piwanu shiminka kichistu kashkanrayku. Chayrayku yachapayashka piwanuta pukunata payka.

Pumapaka kashka anchu shiminka. Chayrayku nipayashka karachupata: —Kunan mikuyki mana yachachiwashpaykika piwanuta pukunata. ¡Yacha-chiway piwanuta pukunaynípa ñukatapas! —nipayarkashi.

Karachupaka: —¡Ama mikuwankichu, tiyu! —nishka. —Ashwan ali kama, aku sirashu shímikita kanpas yachanaykipá pukunata piwanuta —karachupa nirka pumata. Chaypi sirarka pumapa shiminta. Pumapa shiminta sirarka kara¬chupaka. Sirashkanwasha pumaka mana kutichinayashkachu piwanuta.

Versión Quechua

Pumashi kawkumata tapurka:

—¿Imawata kiruykika suma rikurin? Kawkumaka aynirkashi:

—Ñukanchika tinin-chimi kirunchitaka suma rikuri-nanpaka.

Pumaka nirkashi:

—¡Ñuka tapas tiniwanki suma kiruyu kanaynipa!

—Mana kunanka atipanichu, tarawahutiimi. Kaya tutamantalla shamunki

—kawku maka nirkashi pumata.

—Ariya

—nirkashi pumaka.

Shuk kuntrushi rikurayahurka urku awamanta. Chayllapishi shuk ratu rikranka suma wiñarka suma sisakuna sisananpa paktarihushpan.

Chaypishi shuk suruka payta rikurayarka, mancharishpan kuntrupa washanka yapa yurata rikushpan. Chaypishi payta kayllayashpan saludarka.

Chaymantashi nirka: —Tiyu

kuntru, yapa sumami kahunki. Kanka suma washaykika yura puyushina. Chaypishi tapun: —¿Kustankichu washaynita? —ninshi kuntruka. Suruka chay¬pishi nirka: —Mancharishpay-nimi rikurayani kanta imashnashi ñukapapas chasna yura tukunma willmaynika —nishpayni.

Versión Quechua

Chay pumaka puripayan maskashpa aychakunata sachapi mikunanpa, Kunaña muñan mikunata punchana aychata. Maskapayan punchanata tukuypi, mana taripayanchu.

Chasnamanta tinkunakurka ñampipi mutiluwa. Chay mutilu ñampipi pasya-hurka. Imata chay pumaka yapa yarkahurka, kanik rishpan pamparirka ishkay paypa kirunkuna kiparishka chay mutilupa karanpi. Mana atiparkachu surkunata. Sinchita chawsishpa wichunanapa chay mutiluta shiminmanta saltapayan. Mana atipashkachu anchuchinata.

Version Quechua

Shuk punchashi pumaka yarkay kahúshpan rirayahurka sachata punchanata maskashpa. Cbasna punchanarayku rikushpa rirayahushkanpishi, kunkaymanta tinku¬nakurkakuna mutiluwa. Chasnapishi mutiluka saludan: —¿Imashnata kahunki tiyu? —Alimi kahuni ñituyni —pumaka saludan.

—Kunan shuti ñituyni mana kishpinkichu rnikurinaykimanta. Maypimi yarkaywa punchanata maskashpa purihuni chasnapichu tinkunakunchí —nish¬pashi nirka pumaka mutiluta. Chaypishi awanpi saltarka washanpi kaninanpa. Manashi yaykuchirkachu karanka sinchi kashkanrayku.

Chaypishi mutiluka nirka pumata: —Ñukataka tiyu, mana atipawankichu apinata, nima masna kutipas kaniwashpaykika mana yaykuchiwankichu, —nishpashi nirka. —Shutipaka ñituyni. ¿Imashna rurashpashi mikuykima? Yapa sinchi kan aychaykika, nima kanishpayni musyankichu —nishpashi nin pumaka mutiluta.

Shuk punchashi suruka llakiywa tiyahurka ñampinpi, Chaypishi awamanta uyarka shuk rimahushkata: —Kumpayni, aku fístama rishu. Suruka ali awama rikushpanshi rikurka kuntrullata rimarayakta.

Chaypishi chay suruka tapurka: —¿Maypitaya tiyan fistaka? —Awamami tiyan fistaka silupi —nishpanshi nirka chay kuntruka. Chaypiñashi suruka nirka: —Pushaway ñukatapas siluma. —Ari —nishpanshi kuntruka apirka washan-manta shillunwa sumakta. Chaymantañashi pawachirka siluma, rirkakunashi puyukunata pasashpa paktanankunakama siluma.

Chaypi paktak rishpankunashi suruka rikuk rirka tukuy kay allpapi pawashpa kawsak rikrayukunata fístapi kahukkunata. Tiyarkashi achka mikuna achka upyana tukuyshi karkakuna kushilla.

Versión Quechua

Shuk punchashi kuyapisika kunkaylla rírayahurka atún urku chawpita. Chaypishi tínkunakurka shuk atún pumawa. Chaypishi kuyapisika saludarka pumata:

—¿Imashnata kanki amiku? ¿Maytata rihunki? Pumañashi nirka: —Miku-naynitami maskashpa purihuni. ¿Kanka, maytata rihunki amiku? —nishpashi pumapas tapurka kuyapisita. —Ñukaka rihunimi aylluynita pasyanaynipa —nish¬pashi nirka kuyapisika.

Pumañashi nirka: —Shinapika, aku kwintashara amiku —nishpanshi kipa-ríchirka kuyapisita. Shuk atún urkupishi kiparirkakuna kwintanankunapa. Chay¬pishi kwintarkakuna puncha chishíyakta.

Ña tutayashpanftashi pumaka nirka kuyapisita: —Aku puñushu amiku. Kaya kwintashu alita —nishpashi nirka. —¿Maychari payka apinata yuyarishpan puñuhukta? —chasna nirka.

Chaypishi shutipaka puñuhunkuna kuchupura tikrarinakushpankuna. Kuya-pisika manashi tapanchu ñawinta puñuhushpanka rikurayahukshinallashi kan. Chayka puñuhushpantatashí rikurayahukshina kan.

Version Quechua

Karachupashí piñanakushpa karka pumawa. Shuk punchashi karachupawa tinkunakurkakuna pumaka. Chaypishi pumaka apinayarka mikunanpa karachu-pata.

Karachupaka kallparka. Kallpachishpashi shamurka, Chaypishi karachu-paka yaykurka uchkupi. Chaymantashi pumaka allarka uchkuta. Chaypishi kara-chupapas allashpa rirka. Chaymantashi pumaka karachupapa chupanmantashi apirka.

Chaymantashi karachupaka nirka pumata: —Tiyu, manami chupaynitachu apishkanki —nirkashi karachupaka. —Kaspi ankutami apishkanki —nirkashi. Chayta uyashpanshi pumaka kacharirka. Chaymantashi karachupaka asirka: —Ha, ha, ha, ha —nirkashi. —Tiyu, manami parihuchu kanki ñukawaka — nirkashi karachupaka.